Бугун "Пахтакор" жамоаси "Чилонзор"да "Бухоро"га қарши назорат учрашувида 1:0 ҳисобида ғалаба қозонди. Учрашувдан кейин "шерлар" сафида ўйнаган ҳужумчи Жасур Ҳакимов Sports.uz интернет порталига ўз фикрларини билдириб ўтди.
- Назорат учрашуви бўлишига қарамай, баҳс қизиқарли кечди. Ўртоқлик ўйинида ҳам ғалаба қозонишни мақсад қилгандик. Бунга эришдик. Умуман олганда, рақиб жамоа ҳам бизга яхшигина қаршилик қилди. Шунга қарамай, ташаббусни бермасдан ўз ўйнимизни кўрсатиб, муваффақиятга эришдик.
- Сиз бу ўйинда заҳирадан сафга қўшилдингиз. Ўз ўйинингиздан қониқиш ҳосил қилдингизми?
- Кам ўйнаган бўлишимга қарамай, ўйнаганимдан хурсандман. Асосийси, ўйнаган вақтим давомида жамоага ёрдамим текканидан хурсандман, - дейди Ҳакимов.
