Футзал бўйича Тошкентда ўтадиган Осиё чемпионатига тайёргарликнинг сўнгги босқичини бошлаб юборган Ўзбекистон терма жамоаси бош мураббийи Хосе Мария Мендез турнир олдидан ўз фикралари билан ўртоқлашди.
- Тожикистон терма жамоасига қарши ўтказилган ўйин ўйинчиларга нима бера олади?
- Футзалчиларнинг ўзларига бўлган ишончни мустаҳкамлаш учун бундай ўйинлар жуда зарур, шунинг учун ҳам бу каби ўйинларни кўпроқ ўтказишимиз керак. Айниқса, иккинчи учрашувда йигитлар яхши ҳаракат қилишди, мен улардан айнан шундай ўйинни кутган эдим.
- Саудия Арабистони терма жамоаси ҳақида қандай маълумотларга эгасиз?
- Саудияликлар 4 ой аввал Малайзияда учта ўйин ўтказишган. Ўша учрашувларнинг видеоёзуви бор, ана шу видеолар орқали уларнинг ўйин услубини ўрганиб бораяпмиз.
- Осиё Чемпионати олдидан сўнгги рақиб сифатида нима учун айнан Иордания танланди?
- Иордания билан учрашув ташкиллаштиришимиздан асосий мақсад, уларнинг ўйини Саудия Арабистони термасининг услубига ўхшаш. Осиё чемпионатидан олдинги сўнгги ўртоқлик ўйинимизга айнан Саудияга қарши тайёрланишни кўзлаган ҳолда рақиб танладик.
- Тожикистон билан ўйиндан келиб чиқиб беш киши бўлиб ўйнаганда кучли эмасга ўхшадик.
- Ҳозирча ўйновчи дарвозабон билан ҳаракат қилганимизда ҳаммаси биз ўйлаганчалик чиқмаяпти. Мусобақагача қолган вақт давомида асосий урғуни айнан беш киши бўлиб ўйнаганда қандай ҳаракат қилишга қаратишимиз керак. Ҳозирча, ўйновчи дарвозабон билан кучли жамоаларни ҳимоясини ёриб ўта оладиган даражага чиққанимиз йўқ. Лекин, бизда ҳаммасини яхшилаш учун вақт бор.
