Кеча “Бухоро” йиғинларнинг учинчи босқичига якун ясади. 22-31 январь кунлари мобайнида ташкиллаштирилган йиғинлар ўз ниҳоясига етди. Жамоа аъзоларига қисқа таътил эълон қилинди.

Эслатиб ўтамиз, “Бухоро” учинчи босқич доирасида уч марта назорат учрашувида иштирок этди. Дастлаб “Машъал”га 0:1 ҳисобида имконият бой берилди.

Иккинчи учрашуви Бекободнинг “Металлург” жамоасига қарши кечди ва бу учрашувда бухороликлар 2:0 ҳисобида ғалаба қозонишди.

Сўнгги назорат учрашувида “Пахтакор”га 0:1 ҳисобида мағлубиятга учралди.

Мавсумолди тайёргарликнинг тўртинчи босқичи яна пойтахтда давом эттирилади. 4 февраль жамоа машғулотларни давом эттиради. Ушбу босқич 23 февралга қадар давом эттирилиши режалаштирилган.

Йиғин давомида асосий урғу назорат учрашувларига қаратилади.