"Барселона"нинг собиқ яримҳимоячиси Роналдиньо каталонияликлар ҳужумчиси Неймарнинг қачонлардир "Реал"га ўтишига ишонмаяпти.
Охирги вақтлар испан матбуоти бразилиялик футболчининг мадридликлар сафига ўтиши мумкинлиги ҳақида ёзишмоқда.
"Худо бериб Неймар дунёнинг энг яхши футболчиси номига эришсин. У катта иқтидор эгаси ва дунёнинг энг яхши клубида ўйнамоқда. У "Реал"га ўтмаса керак", - дея Роналдиньонинг сўзларини келтиради Marca.
Аввалроқ "Реал" президенти Флорентино Перес Неймарга 35 миллион евро йиллик маош, ҳамда 30 миллион евро бонус таклиф қилгани хабар қилинган эди.
