"Реал" бош мураббийи Зинедин Зидан жамоа ҳимоячиси Пепе хизматидан икки ҳафта давомида фойдалана олмайди, дея хабар беради Marca.
Манбага кўра, португалиялик футболчига оёқ ости яллиғланиши ташхиси қўйилган. Пепе операция қилиниши ҳам мумкин. Футболчи бир ҳафтадан буён умумий гуруҳдан алоҳида ҳолда шуғулланиб келаётган эди. Зидан ЕЧЛ 1/8 финалида "Рома"га қарши учрашувда Пепенинг хизматидан фойдаланишга умид қилмоқда.
"Рома" - "Реал" учрашуви 17 февраль куни Римда бўлиб ўтса, Мадриддаги жавоб учрашуви 8 март кунига белгиланган.