Испания кубогининг ярим финал босқичи доирасида биринчи ўйин бўлиб ўтди.

"Барселона" ўз майдонида "Валенсия"га ҳеч қандай имконият қолдирмади. Ўзининг инқироз даврини бошдан кечираётган "кўршапалаклар" "Камп Ноу"да рақибга қаршилик кўрсата олмади.

Учрашувнинг биринчи бўлимидаёқ каталонияликлар ҳисобни 3:0га етказишди. Бўлим сўнгида "Валенсия" футболчиси Мустафий майдондан четлатилди. Иккинчи бўлимда мезбонлар яна 4та голга муаллифлик қилишди. Бу ўйинда Месси ўз ҳисобига 3та, Луис Суарес эса 4та гол ёзиб қўйди.

Бир ҳафтадан сўнг жавоб учрашуви бўлиб ўтади. Аммо "Барселона"ни муддатидан олдин финалга чиққани билан табрикласа ҳам бўлади.

Испания кубоги, 1/2 финал, дастлабки ўйин
Барселона – Валенсия 7:0 (3:0, 4:0)
Голлар: 1:0 – 7 Суарес, 2:0 – 12 Суарес, 3:0 – 29 Месси, 4:0 – 58 Месси, 5:0 – 74 Месси, 6:0 – 83 Суарес, 7:0 – 88 Суарес.
Барселона – тер Стеген, Матье, Пике (Бартра, 61), Альба (Адриано, 70), Алеиш Видаль, Туран, Бускетс, Иньеста (Серджи Роберто, 46), Неймар, Месси, Суарес.
Валенсия – Райан, Жоау Канселу (Черышев, 58), Адерлан Сантос, Мустафи, Гайя, Родриго, Данило (Фегули, 33), Барраган, Андре Гомеш, Сикейра (Рубен Везу, 46), Парехо.
Огоҳлантиришлар: Иньеста (14), Пике (24), Фегули (65), Черышев (79), Туран (84).
Четлатиш: Мустафи (45).