Айни вақтда МЛСда "Нью-Йорк Сити" жамоаси бош мураббийи сифатида ишлаётган собиқ футболчи Патрик Виейра "Манчестер Сити"да Хосеп Гвардиоладан кейин бош мураббийлик курсисини қабул қилиб олади. Бу ҳақда Sunday Express нашри хабар тарқатган.

"Испаниялик мутахассис инглизлар жамоасида ҳали иш бошлашга улгурмасдан турибоқ, раҳбарият ундан кейин жамоа мураббийи ким бўлишини ҳал қилиб олди", дейилади хабарда.

"Шаҳарликлар" раҳбарияти 3 йилдан кейин, Хосеп Гвардиола билан тузилган шартнома муддати тугагач, ўз вақтида "Арсенал" ва "Манчестер Сити" жамоалари шарафини футболчи сифатида ҳимоя қилган франциялик мутахассисни АПЛдаги тажрибасини инобатга олган ҳолда жамоа бошқарувига қўйишни режалаштиргани айтилган.