“Барселона” ярим ҳимоячиси Серхио Бускетс ёзда жамоасини ўзгартириши мумкин.
El Mundo Deportivo нашрининг маълумот тарқатишича, Франциянинг ПСЖ жамоаси 27 ёшли тажрибали футболчи хизматларига жиддий қизиқиш билдирмоқда. Парижликлар Бускетс учун 100 миллион евро беришга тайёр туришибди.
Манбада ёзилишича, ПСЖ вакиллари аллақачон испан клубига расмий таклиф билан чиқишди. Дастлабки музокаралар ҳам ўтказилди. Агар томонлар ўзаро келиша олишса, Серхио Бускетс ёзда Лига 1 га кўчиб ўтади.
Таъкидлаш жоиз, ПСЖ устози Лоран Блан “Барселона” футболчиси тимсолида 33 ёшни қаршилаб қўйган Тиаго Моттага муносиб ўринбосарни кўрмоқда экан.
