Бу мавсум Англия чемпионатида “Лестер” жамоаси яхшигина шов-шув бўлмоқда.
“Тулкилар” ўйинларда шу даражада ишонч билан ҳаракат қилишмоқдаки, грандлар ҳам уларга қаршилик қила олишмаяпти. Футболчилар ҳудди бир неча йиллардан бери пешқадамлар қаторида юргандек таасурот қолдиришмоқда. Айниқса, Рияд Махрез ва Жейми Варди мухлисларнинг суюклиларига айланди. Уларнинг голлари жамоага муҳим ғалабаларни тортиқ этмоқда.
Эътиборга молик томони, Вардива Махрезнинг бу мавсумдаги голлари сони 45 тани ташкил этади. “Реал” юлдузи Криштиану Роналду ва 5 карра “Олтин тўп” соҳиби Лионель Месси жуфтлиги 43 голга муаллифлик қилмоқда. Айнан шу статистика ҳам “Лестер”нинг ишлари жойида эканлигини билдириб турибди.
