Жамоамиз тўртинчи йиғин доирасидаги биринчи назорат учрашувини ўтказди. Аввал хабар бериб ўтганимиздек, Мурод Исмоилов шогирдларига Жиззахнинг “Сўғдиёна” клубига қарши майдонга тушди. Айтиш жоизки, вакилларимиз ниҳоят “Сўғдиёна”ни доғда қолдиришга эришишди. Учрашувда ҳисобни жиззахликлар очишларига қарамай, вакилларимиз рақиб дарвозасига кетма-кет учта жавоб тўпини киритишга муваффақ бўлишди. Ҳакам томонидан қўшиб берилган дақиқаларда эса Санжар Рихсибоев “Сўғдиёна”нинг иккинчи тўпини киритди. Натижада “Қўқон-1912” жамоаси 3:2 ҳисобида ғалабани тантана қилди.
Айтганча, Наврўз Алимов “Қўқон-1912” таркибидаги дебют голини киритди. Отабек Ҳайдаров эса дублга эришди.
Миржалол Қурбонов биринчи бўлимда қизил карточка олиб, майдонни тарк этди.
Назорат учрашуви
“Қўқон-1912” – “Сўғдиёна” 3:2 (1:1)
Голлар: Наврўз Алимов-40, Отабек Ҳайдаров-52,89. – Темур Ҳакимов-18, Санжар Рихсибоев-90+1.
“Қўқон-1912”: Андрей Бакланов, Миржалол Қурбонов, Ойбек Нурбоев, Илья Ильин, Жалил Кимсанов, Отабек Зокиров, Алишер Зиявуддинов, Абдуллоҳ Олимов, Фурқат Ҳасанбоев, Наврўз Алимов, Отабек Ҳайдаров.
Захира: Азиз Ашуров, Руслан Матниязов, Ғайрат Ҳасанов, Сардор Қаҳҳоров, Достон Турсунов, Баҳодир Акрамов, Абдул Азиз Юсупов, Азизхон Ибрагимов, Азиз Тўхтабоев, Ориф Мамажонов, Маъруф Зокиржонов.
