“Бургутлар”нинг пойтахтдаги йиғини давом этмоқда.
“Андижон” жамоаси матбуот хизматининг маълумот беришича, бугун жамоа сафида эътиборга молик ўзгаришлар юз берди. Бир неча йиллардан буён “Андижон” шарафин ҳимоя қилиб келаётган Асрор Раҳмонов билан хайрлашилди. Таркибга эса Роббим Ҳасанов келиб қўшилди.
Бундан ташқари яқинда “Олмалиқ” билан хайрлашган Азамат Исроилов ҳам жамоа машғулотларига қўшилди. Мавсумлар оралиғида маълум муддат “Бухоро” йиғинида бўлган таниқли ҳимоячи Саҳоб Жўраев ҳам бугундан “Андижон” сафига қўшилди. Ҳозирча ушбу футболчиларнинг қолиши маълум эмас. Агарда ҳар икки томон ўзаро келишувга эришса, катта эхтимол билан Исроилов ва Жўраев ҳам бу йил “Андижон”да ўйнайди.
