Йигирма бешинчи миллий чемпионатга ҳозирлик кўраётган жамоамиз таркиби секин аста аниқланиб бормоқда.
Кеча жамоамиз Муборакнинг "Машъал" жамоаси билан ўртоқлик ўйини ўтказди. Бу баҳсда жароҳат сабаб баъзи футболчилар иштирок этишмади. Таркибда майдонга тушган Азамат Исроиловга жавоб берилди. 2010 йилдан бери жамоамиз шарафини ҳимоя этган Азамат миллий чемпионатда жамоа либосида 70 ўйинда иштирок этган ва 5 марта рақиблар дарвозасини ишғол этган. Жамоа аъзолари номидан Исроиловнинг кейинги фаолиятига омад тилаймиз.
Шунингдек, марказий ярим ҳимояда тўп тепаётган Муҳаммад Исаев ёшлар жамоаси сафига жўнатилди.
