Футзал бўйича Осиё чемпионатининг "А" гуруҳида терма жамоамизни 3 ўйинда 100 фоизлик натижа билан гуруҳ ғолиби бўлишида катта ҳисса қўшган мураббий Хосе Мария Мендез Ливанга қарши ўйиндан сўнг ўз фикрлари билан ўртоқлашди:

"Биз бу ўйинда бирор терма жамоа учун ўйнамадик. Ўз уйимизда мухлисларимиз учун ўйнадик. Биринчи таймда жамоамиз ҳимоясидан айниқса мамнун бўлдим. 4 нафар ўйинчимиз ўтган учрашувдан сўнг шамоллаб қолган эди. Яхшиямки, бугунги баҳсгача улар спорт формасига қайта олишди. Биринчи тайм мени ҳар томонлама қониқтирди. Нафақат ҳисоб, балки футзалчиларимизнинг ўйинлари ҳам. Рустам Умаров ҳам ишончли оқлади. У айни дамда Осиёнинг энг яхши посбонларидан эканини исботлади.

Ўйинларимиз ўйиндан ўйинга очилиб боради ва чорашанба куни насиб этса бош мақсадимизни қўлга киритамиз. Даврон Чориев биринчи бўлимда сариқ карточка олганидан сўнг уни камроқ ўйнатдим. Аввал айтганимдек, бизнинг кучимиз бирликда. Қолганларга қараганда анча устун ўйинчи йўқ. Айрим ўйинчиларимиз борки, улар ўйин услубини ушлаб туришади.

Бугун Ироқнинг бор кучи билан ўйнаганига ишонмайман. Улар барибир кучли жамоалигича қолади. Ироқ терма жамоасини ўрганиш хусусида гапирсак, уларнинг Иордания ва Хитой термасига қарши учрашувини кўрсак, қандайдир хулоса чиқариш мумкин", - дейди Мендез.