Хабарингиз бор, жорий йилнинг 17 феврал куни “Бунёдкор” стадионида Ўзбекистон Суперкубоги-2016 учрашуви бўлиб ўтади. Учрашувда “Насаф” ва “Пахтакор” жамоалари ўзаро куч синашишади.
Ушбу учрашувда “Насаф” жамоасини бевосита стадионда туриб қўллаб-қувватлаш учун “Насаф” ПФК мухлислар клуби фаоллари ҳамда Қашқадарёлик кўплаб футбол ишқибозлари Тошкент шаҳрига бориш тараддудида туришибди.
Ана шуни ҳисобга олган “Бунёдкор” стадиони маъмурияти воҳалик мухлислар учун стадионнинг 3″А” секторидан жой ажратишган.
“Насаф” жамаосига мухлислар клуби фаоллари билан бир секторда туриб мухлислик қилишни ҳоҳловчи футбол ишқибозларига ана шу секторга чипта харид қилишларини сўраймиз.
Яна бир марта эслатиб ўтамиз, учрашув соат 15:00да бошланади. Учрашув ҳақидаги репортаж ёзиб олинган ҳолда Спорт ТВ орқали соат 21:40да намойиш қилинади.
