Лондоннинг “Челси” клуби сардори Жон Терри бугун Чемпионлар лигаси 1/8 финал доирасидаги Франциянинг “Пари Сен-Жермен” жамоасига қарши ўтказиладиган илк учрашувни ўтказиб юборади. Марказий ҳимоячининг жароҳати бунга сабаб бўляпти.
35 ёшли футболчи “Челси”нинг шанба куни “Ньюкасл”га қарши ўтказилган учрашувининг биринчи бўлимидаёқ захирига олинганди. Терри жамоа билан бирга Парижга бормади. Жоннинг ўрнини 18 ёшли Жейк Кларк-Солтер эгаллаши мумкин.