«Барселона» клуби мухлислари жамоа ҳимоячиси Хавьер Маскеранога тегишли мурожаат билан чиқишди. Гап шундаки, аргентиналик ҳимоячи каталонияликлар сафида ўтказган ўйинлари сони бўйича Рональд Куманга етиб олди. Бироқ у Кумандан фарқли ўлароқ, «Барселона» сафида бирорта ҳам гол ургани йўқ.
Жамоа мухлисларининг фикрича, бу адолатдан эмас. Шу боис мухлислар Лионель Мессига мурожаат қилган:
«Месси, Маскерано гол уриши учун имкон бер. У «Барселона»нинг ҳақиқий юлдузига айланди деб ҳисоблаймиз. Хавьер изматларига яраша эътирофга эга бўлгани йўқ. Бунинг учун Маскерано пенальти тепишига қўйиб берсангиз», — дейилади баёнотда
