Пойтахтимизда давом этаётган футзал бўйича Осиё чемпионати ўзининг қизғин ва шу билан бирга ҳал қилувчи палласига кирди. Бугун мусобақада энг муҳим учрашувлар ўтказилади. Бугун бўлиб ўтадиган чорак финал ўйинларидан сўнг жаҳон чемпионатига йўлланма олган тўртта терма жамоанинг номи маълум бўлади.

Хабар берганимиздек, Ўзбекистон миллий терма жамоаси учта ўйинда ғалаба қозониб, “А” гуруҳи ғолиби сифатида чорак финалга йўлланма олганди. Футзалчиларимиз бугун жаҳон чемпионати йўлланмаси ўйналадиган чорак финал учрашувида Ироқ терма жамоасига қарши майдонга тушишади.

Ўзбекистон – Ироқ ўйини “Ўзбекистон” спорт мажмуасида соат 16.00да бошланади. Учрашувга кириш бепул. Бу ўйин ғолиби ярим финалда Таиланд – Австралия баҳси ғолибига қарши майдонга тушади.

ЧОРАК ФИНАЛ ЖУФТЛИКЛАРИ:
17 февраль
1. ЎЗБЕКИСТОН – Ироқ 16:00
2. Таиланд – Австралия 16:00
3. Эрон – Қирғизистон 19:00
4. Япония – Вьетнам 19:00

ЯРИМ ФИНАЛ
1 жуфтлик – 2 жуфтлик
3 жуфтлик – 4 жуфтлик