"Локомотив” – “Ал-Иттиход” ўйинига 2 кун вақт қолди.

Футболчиларимиз йилдаги биринчи расмий беллашувга жиддий ҳозирлик кўришмоқда. Уларнинг кайфиятлари яхши. Мураббийлар штаби “Ал-Иттиход”га қарши беллашув режаларини аллақачон ишлаб чиқишган ҳамда машғулотларда бу борада иш олиб борилмоқда.

“Локомотив” стадиони майсаси чемпионлар лигаси ўйинига юз фоиз тайёр бўлиши учун мутахассислар унга ишлов бериш билан банд. Шундан келиб чиқиб футболчиларимиз машғулотларини асосан ТТЙМИ стадионида ўтказишмоқда.

Эслатиб ўтамиз, “Локомотив” – “Ал-Иттиход” ўйини 23 февраль куни соат 15:00 да бошланади.Беллашув чипталарини эртадан бошлаб “Локомотив” стадиони кассасидан ҳарид қилишингиз мумкин.

23 февраль, 2016. “Локомотив” стадиони (15:00)
ЛОКОМОТИВ (Ўзбекистон) – АЛ-ИТТИХОД (Саудия Арабистони)
Ҳакамлар: Бенжамин Жон Уильямс, Натан Александр Макдональд, Эшли Уорвик Бичем (барчаси Австралиядан), Ҳанна Ҳаттоб (Сурия).
Назоратчи: Алаа Обид Ал-Қодир (Ироқ).
Комиссар: Аҳмад Шаҳир (Малдив).