“Қўқон-1912” жамоасида ёш футболчиларга бўлган эътибор жуда юқори. Ўтган йили ўринбосарларимиз сафида тўп сурган айрим ўйинчилар ўзининг ёрқин ўйинлари билан мухлислар меҳрини қозона олишди. Булар орасида Ойбек Рустамов ҳам бор эди. Бунинг натижасида ёш ҳимоячимиз Ўзбекистон ёшлар (U-19) терма жамоаси бош мураббийи Жасур Абдураимовнинг эътиборига тушди.
Ойбек Рустамов айнан мана шу терма жамоа билан Хитойга жўнаб кетди. Абдураимов шогирдлари чин мамлакатида йиғин ўтказмоқда.
Ёш футболчимизнинг терма жамоадаги фаолиятига омад тилаб қоламиз.
