Бугун жамоамиз аъзолари Наманганда мавсумга тайёргарликнинг сўнгги босқичига киришишди.
Жамоамизнинг дастлабки машғулоти “Динамо” ўйингоҳида ўтказилди. Таркиб хусусида гап кетганида, жамоа сафига ҳуқуқий жиҳатдан “Бунёдкор” футбол клубига тегишли бўлган ҳимоячи Ҳасан Асқаров қўшилди. 1994 йилнинг 17 апрелида туғилган футболчи ўтган мавсум биринчи ярмини “Бухоро”да ўтказиб, давралар оралиғида Самарқанднинг “Динамо” клубига кўчиб ўтганди. Умумий ҳисобда Асқаров 2015 йилги чемпионатда 23 та ўйинда майдонга тушган. Бугунги машғулотларда Олександр Пишур, Игорь Голбан, Хайрулла Каримов ва Анвар Ражабовлар бош мураббийдан рухсат олганликлари учун қатнашишмади. Эртадан ушбу футболчилар ҳам сафга қўшилишади.
