Жамоамизнинг эртага бўлиб ўтадиган машғулотида украиналик футболчи Виталий Гавриш қўшилади.

1986 йилнинг 18 мартида туғилган Виталий майдонда ярим ҳимоячи сифатида ҳаракат қилади. Чернигов шаҳрида туғилган футболчи фаолиятини 2002 йили “Десна” клубида бошлаган. 2007 йилга қадар ушбу жамоа сафида 74 та ўйинда майдонга тушиб, рақиблар дарвозасини 17 бор нишонга олган. Гавриш 2007-2011 йилларда Алчевскнинг “Сталь” (124 та ўйин 23 та гол) жамоаси шарафини ҳимоя қилган. 2007-2008 йилги мавсумда Донецкнинг “Металлург” жамоаси аъзоси сифатида ҳаракат қилган. Аммо, ушбу клуб сафида атиги иккита ўйин ўтказганлиги сабабли яна “Сталь”га қайтган. 2011-2013 мавсумларни “Александрия” жамоасида ўтказиб, 30 та учрашувда рақиблар дарвозасини икки бор нишонга олган. 2013-2015 йилларда Запорожьенинг “Металлург” клубида тўп суриб, 44 та ўйинда битта голга муаллифлик қилган. Футболчнинг сўнгги жамоаси “Говерла” жамоаси бўлганди.
Аввал жамоамиз сафига сербиялик футболчини келиб қўшилиши ҳақида хабар бергандик. Аммо, сербиялик ўйинчи маълум сабабларга юртимизга кела олмайдиган бўлди. Шу сабабли, унинг ўрнига Виталий Гавриш чақирилди. Гавриш мураббийларда яхши таассурот қолдира олса янги мавсумда “Навбаҳор” шарафини ҳимоя қилади.