Айни пайтда жамоамиз аъзолари Намангандаги “Марказий” ўйингоҳдаги машғулотни бошлашди. Олдинроқ жамоа сафига жанубий кореялик футболчини келиб қўшилиши ҳақида хабар бериб ўтгандик.
Бугун хорижлик ўйинчи Хуюнйеон Чой Наманганга етиб келди. 1984 йилнинг 16 апрелида туғилган Чой сўнгги икки мавсумни Хитой суперлигаси ва биринчи лигасида қатнашган “Далиан Итенг” жамоаси сафида ўтказганлигини айтиб ўтиш жоиз. Чой футболчилик фаолиятини Жанубий Корея “К” лига қатнашчиси “Жежу Юнайтед” жамоасида бошлаган. 2010 йилги мавсумни “Похан Стилерс” клубида ўтказган ҳужумкор ярим ҳимоячи 2012-2014 йиллар давомида “Геонгнам” жамоаси шарафини ҳимоя қилган.
