Европа лигасининг 1/16 финал босқичи доирасида жавоб ўйинлари бўлиб ўтмоқда.

Москванинг «Локомотив» жамоаси ўз майдонида Туркиянинг «Фенербахче»сига қарши баҳс олиб борди. Эслатиб ўтамиз, дастлабки ўйинда турклар 2:0 ҳисобида ғалаба қозонишган эди.

Бугунги ўйиннинг биринчи бўлими сўнгида Самедов "Фенербахче" дарвозасига дастлабки тўни йўллади. Иккинчи бўлимда унинг ўзи жуда қулай имкониятдан фойдалана олмади. Ўйин сўнгида бурчакдан етказилган узатмани Топал бош билан "Локо" дарвозасига жойлаб, тўқнашув тақдирини ҳал қилди.

Ҳамюртимиз Виталий Денисов учрашувни асосий таркибда бошлаб, ўйин охиригача майдонда ҳаракат қилди.

Европа лигаси, 1/16 финал, жавоб ўйинлари
Локомотив Россия – Фенербахче Туркия 1:1 (1:0)
Голлар: 1:0 – 45 Самедов, 1:1 – 83 Топал.
Локомотив – Гильерме, Пейчинович, Виталий Денисов, Чорлука, Дюрица, Миранчук, Самедов, Коломейцев, Фернандеш (Шкулетич, 73), Касаев (Жемалетдинов, 81), Ндинга (Михалик, 13).
Фенербахче – Фрейтас, Кьер, Калдырым, Генюль (Озбайракли, 44), Алвеш, Соуза, Топал, Нани (Потук, 80), Туфан (Кадлец, 75), Шен, ван Перси.
Огоҳлантиришлар: Коломейцев (53), Михалик (54), Туфан (63), Соуза (66), Жемалетдинов (82).
Биринчи ўйин: 0:2