“Бунёдкор” – “Ан-Насср” учрашувидан кейинги матбуот анжуманининг биринчи қисмида саудияликлар устози Рауль Канеда ва ўйиннинг энг яхши футболчиси деб топилган Модибо Майга иштирок этдилар.
- Бугун бизга омад кулиб боқди. Учрашувнинг биринчи бўлимига танлаган режамиз иш бериб, танаффусга ғолиб чифатида чиқиб кетдик. Иккинчи бўлимда эса асосий эътиборимизни ҳимояга қаратдик. “Бунёдкор” танаффусдан кейин жон жаҳди билан ўйнай бошлади. Бизни омад туфайлигина дарвозамиз дахлсиз қолди. “Бунёдкор” тўп билан муомала қилишда жуда кучли рақиб. Ўтган ўйин билан бугунгисини солиштирадиган бўлсак, биз ўзгардик. Рақиб эса ўша-ўша кучли. Аввалги баҳсда посбонимиз қўпол хатоларга йўл қўйган эди. Шундан сўнг Рене Игита у билан яхши иш олиб борди. Бунинг самарасини баҳс давомида кўрдик, - дейди Рауль Канеда.
