“Локомотив” футболчилари олий лиганинг 1-тур учрашувида майдонга тушиш учун эртага Наманган сари отланишади. Хабарингиз бор, навбатдаги миллий чемпионатнинг илк ўйинини “темирйўлчилар” сафарда “Навбаҳор”га қарши ўтказишади.
Кеча ва бугун “Локо” футболчилари кунига бир маҳалдан машғулот ўтказишди. Машғулотлар “Локомотив” ҳамда ТТЙМИ стадионида олиб борилди.
Жамоамиз навбатдаги ўйинга тайёр.
Эсингизда бўлса, ўтган мавсумнинг охирги турини айнан “Навбаҳор”га қарши баҳс билан якунлагандик ва ўша ўйинда 3:2 ҳисобида зафар қучгандик. Темурхўжа Абдухолиқов, Лутфулла Тўраев ва Мўйдин Мамазулумов томонидан киритилган голлар жамоамизга уч очко келтирганди. Умид қиламизки, бу сафар ҳам ғалаба “Локомотив” томонида бўлади. Эслатиб ўтамиз, ҳар иккала жамоа ўринбосарлари эртага 5 март куни соат 15:00да ўзаро майдонга тушишса, 6 март куни ўтказиладиган асосий таркиблар ўртасидаги баҳс соат 16:00да бошланади.
Олий лига-2016. 1-тур. 6 март
«Навбаҳор» (Наманган) – «Локомотив» (Тошкент)
Ҳакамлар: Б. Намозов (Тошкент), А. Снетков (Тошкент вил.), В. Лушин (Гулистон), О. Тўйчибоев (Тошкент)
Назоратчи: Р. Айтеков (Тошкент).
ПФЛ вакили: А. Фролов.
