Хабарингиз бор, кеча Олий Лигамизда янги мавсум старт олди.

Илк турда Тошкентнинг “Бунёдкор” жамоаси Фарғонанинг “Нефтчи” клубига қарши баҳс юритди ва 2:0 ҳисобида ғалаба қозонди. Учрашувда “қалдирғочлар” сафида энг фаоллардан бири бўлган Отабек Шукуровнинг ўйин борасидаги фикрлари билан қизиқдик.

- Авваламбор барчани янги чемпионат бошлангани ва юртимизга катта футбол қайтгани билан табриклайман. Илк ўйинда ғалаба қозонишимиз муҳим эди. Шу сабабли ҳам “Нефтчи”дек кучли рақибни мағлуб эта олганимиздан хурсандман. Бу йил жамоамиз ўз олдига жуда улкан мақсадлар қўймоқда. Зеро биз ўзимиз иштирок этадиган барча турнирларда ғалаба қозонишни мақсад қилганмиз. Насиб қилса, мен ҳам асосий таркибдан муқим жой олган ҳолда, ўз жамоам муваффақиятларига муносиб хисса қўшмоқчиман, - дейди истеъдодли футболчи SPORTS.uz интернет-нашрига.