Учрашувдан кейин ўтказилган матбуот анжуманининг биринчи қисмида “Локомотив” жамоаси бош мураббий Андрей Микляев иштирок этди: - Натижадан қониқиш ҳосил қилди. Биринчи навбатда барчага раҳмат айтган бўлардим. Яна бир бор Наманганда меҳмон бўлиб турганимиздан хурсандмиз. Ёдингизда бўлса ўтган йилги чемпионатни шу ердаги ўйин билан тугатгандик. Янги чемпионатдаги илк учрашувни ҳам айнан Наманганда бошладик. Бугунги баҳс осон бошлангани йўқ. Ўйин бошланиши арафасида ҳимоячиларимиздан бири Неманья Яничич жароҳат олиб сафдан чиқди. Айнан жароҳат туфайли бугун майдонга Сервер Жепаров ҳам туша олмасди. Шу сабабли, таркибда ўзгариш қилишга мажбур бўлдик. Ўйин бошларида ўз дарвозамиздан тўп ўтказиб юборганлигимиз сабабли баҳс биз учун омадсиз тарзда бошланди. Учрашув давомида вазиятни ўзгартиришимиз талаб этиларди. Умуман олганда майдонда ёмон ўйин кўрсатмадик деб айтган бўлардим. Тўп назоратини ўз қўлимизда ушлаб, устунликни таъминлай олдик. Устунликни голлар уриб, ташаббусни натижада акс эттиришимиз талаб этиларди. Бунга интилдик ва якунда мақсадимизга эришдик. Фурсатдан фойдаланиб, йигитларга охиригича курашганликлари ва ғалабани таъминлаганликлари учун миннатдорчилик билдириб ўтаман.