Ҳаш-паш дегунча 1-тур ўйинлари ҳам якунига етиб қолди. Бугун бўлиб ўтадиган “Пахтакор” – “Андижон” учрашуви билан 1-турга якун ясалади.
Дастлабки тур баҳслари мухлисларга бир-биридан қизиқарли бўлган ўйинларни тақдим этди, десак муболаға бўлмайди. Ҳозиргача ўтказилган 7 та учрашувнинг 6 тасида мезбонлар ғалаба қозонишди. Улар орасида “Қўқон-1912” жамоасининг ҳам борлиги кишини қувонтиради.
Кеча футболчиларимиз ўйиндан кейинги тикланиш жараёнида иштирок этишди. Бугундан 2-турга аниқроғи, “Пахтакор”га қарши бўлиб ўтадиган учрашувга тайёргарлик бошланади.
Бугунги машғулот “Марказий” ўйингоҳда ўтказилади.
Эртага эса биринчи машғулот Учкўприк туманида жойлашган Қаттақашғар қишлоғидаги стадионда бўлиб ўтади.
Хабарингиз бор, бу ерда “Қўқон-1912” жамоасига қарашли футбол мактаби фаолият олиб боради. Машғулот билан биргаликда футболчиларимиз ёш чарм тўп ихлосмандларига мастер-класс ўтказиб беришади.
