Профессионал бокснинг супероғир вазн тоифасида собиқ жаҳон чемпиони ҳамюртимиз Руслан Чагаевнинг рафиқаси Виктория ўзининг Instagram ижтимоий тармоғидаги саҳифасида турмуш ўртоғини қўллаб-қувватлаши ва мағлубият имкон қадар тезроқ унутилишини маълум қилди.
“Биз биргаликда катта йўлни босиб ўтдик. Бу йўлда қийинчиликлар, турли муаммоларга дуч келдик. Лекин барчасини биргаликда мардоновор енгиб ўтдик. Кечаги мағлубият ҳам унутилади. Ҳаёт давом этади, бу спорт. Руслан таслим бўлмайди. Мен сен билан ва сенга ишонаман. Яна бир бор барчага миннатдорчилик билдираман. Бизда ҳаммаси яхши ва жойида. Руслан олдинга интилишда давом этади”, - деб ёзади Виктория.
Эслатиб ўтамиз, Руслан Чагаев шанба оқшомида Грознийда ташкил этилган бокс оқшомида австралиялик Лукас Браунга 10-раундда техник нокаут эвазига мағлуб бўлганди.
