«Рома» бош мураббийи Лучано Спаллетти ЕЧЛ нимчорак финал босқичи доирасида «Реал»га қарши жавоб ўйини (биринчи ўйин - 0:2) арафасида ўз фикрлари билан ўртоқлашди.

«Жамоамдан иложи йўқ нарсани амалга оширишни талаб қиляпман. Футболчилар машғулотда иштирок этишаётганида, мен улардан шу нарсани сўраяпман. Бизга тезкор гол керак, қолганини кейин кўрамиз. Тезкор гол вазиятни тезда ўзгартиради, айниқса, руҳий жиҳатдан. Агар кимдир мен каби фикрламаётган бўлса, у шуғулланмаса ҳам бўлади.

Эртага биз қачон ҳужум қилишни, қачон рақибнинг ҳужумини тўхтатишни билишимиз керак. Биринчи ўйин натижаси биз учун жуда ёмон бўлди. Омадимиз келмади.

Биз ўйиндан ўйинга кучайиб боряпмиз. Жамоанинг салоҳияти юқори», – дейди Спаллетти.