ФК Кубоги баҳсларида 2-тур учрашувлари старт олгани ҳақида хабар берган эдик.

Ўзбекистон терма жамоаси ярим ҳимоячиси Шоҳруҳ Гадоев фаолият олиб бораётган Баҳрайннинг “Муҳаррақ” клуби бу турда Уммоннинг “Фанжа ФК” жамоаси меҳмони бўлди. Анчагина қизиқарли тарзда ўтган матчда “Муҳаррақ” 2:1 ҳисобида ғалаба қозонди ва очколари сонини 6 тага етказиб олди.

Учрашув ёмғир қаттиқ ёғгани сабаб ярим соатга тўхтаб қолганини ҳам таъкидлаб ўтиш жоиз.

“Фанжа” – “Муҳаррақ” 1:2

Голлар: Имад Ал Ҳусни (30) - Жамол Рашид (21), Элиас де Оливейра (73)

“Фанжа”: Мазин Носир Салим, Солиҳ Жума, Ал Ҳилол Ал Жабри, Нодир Ал Маскари, Ал Ҳасани Маҳмуд, Муҳаммад Ал Маашари, Раед Солиҳ, Муҳаммад Ал Мусаллами, Муҳлид Ҳамид, Имад Ал Ҳусни, Басил Ал Раваҳи.

Захира: Абдул Азиз Ал Мақбали, Омар Ҳамис, Бассам Абдуллоҳ, Аҳмад Сулаймон Саид, Ҳолид Салмон, Жарилсон Сантана.

“Муҳаррақ”: Волид Ал Ҳаям, Абдулваҳоб Ал Алсафи, Исмоил Абдулатиф Ҳасан, Али Жамол, Фелипе Баррето, Элиас де Оливейра, Ҳусайн Баба, Жамол Рашид, Саид Муҳаммад Аббос, Солиҳ Абдулҳамид, Иброҳим Мешҳос.

Захира: Абдулла Ёсир, Адмир Катович, Муҳаммад Солиҳ Абдулла, Маҳди Али, Аҳмад Обид, Шоҳруҳ Гадоев.

Ҳамюртимиз Шоҳруҳ Гадоев бу учрашувда майдонга тушмади. Уни мураббийлар бу сафар захирада қолдиришни афзал билишди.