“Сампдория” клубининг собиқ устози Вальтер Новелино яқин кунларда “Палермо” жамоасига бош мураббий этиб тайинланади. Sky Sport Italia нашрининг хабар беришича, томонлар шартноманинг барча деталлари бўйича келишиб олишган.
62 ёшли италиялик мутахассис шу ҳафтанинг ўзида шартномага расман имзо чекади ва “Палермо”нинг янги бош мураббийи сифатида кенг оммага таништирилади. Новелино мавсум якунига қадар Сицилия клубида ишлайди.
Айтиш жоиз, Вальтер Новелино “Палермо”ни жорий мавсумда бошқарган саккизинчи мураббийга айланади. Унгача Беппе Якини (икки бор), Давиде Баллардини, Фабио Вивиани, Гильермо Скелотто, Жованни Тедеско ва Жованни Босилар “Палермо” бош мураббийи лавозимида фаолият юритишган эди.