Бугун Ўзбекистон кубоги 1/16 финал босқич ўйинлари ўтказиладиган сана маълум бўлди.
Мусобақанинг дастлабки раунди 14 март куни бошланади. "Навбаҳор" эса кубок ўйинларидаги иштирокини 1/16 финал босқичида Қувасойнинг "Цементчи" клубига қарши беллашув билан бошлайди. Ушбу ўйин рақиб майдонида 19- март куни ўтказилади. Эслатиб ўтамиз, 1/16 финал босқичи бир ўйиндан иборат бўлади. "Цементчи"ни "лочинлар" мағлуб этишса, 1/8 финал йўлланмасига эга бўлишади. Мазкур босқичда "Цементчи" - "Набаҳор" жуфтлиги ғолиби "НБУ-Осиё" - "Қўқон-1912" жуфтлиги ғолиби билан ўзаро куч синашади.
