«Сўғдиёна»-«Бунёдкор» (0:1) учрашувидан кейинги матбуот анжуманида мезбонлар бош мураббийи Даврон Файзиев қатнашди.

"Бугун мухлисларни хафа қилиб қўйганимиздек туюлди менга. Бугун  ғалаба қозониб, мухлисларга совға тақдим қилмоқчи эдик. Тенг курашлар остида кечган ўйинда мағлубиятга учраш жуда аламли. Ҳеч қандай баҳона қилмайман. Барча мухлислардан узр сўрайман.

Ишончим комилки, бу жамоа билан биз юқорироқ ўринларни эгаллашга ҳаракат қилсак бўлади. Йигитларга раҳмат айтдим, улар охирги вазиятгача бор кучлари билан ҳаракат қилишди.

Ҳакамларни ҳар сафар гапириш нотўғри. Мухлис курашни ва ўйин қизиқроқ бўлишини ҳоҳлайди. Кўп курашли вазиятларда ҳакамларнинг ўйинларни тўхтатишлари ўйин савиясини тушириб юборди.Уларга назоратчилар баҳо беришади", - дейди Даврон Файзиев.