Бугун жамоамиз мамлакат кубогининг 1/16 финалда Қувасойнинг “Цементчи” жамоаси меҳмони бўлади.

Бугун футболчиларимиз ушбу баҳс олдидан сўнгги машғулотни ўтказишди. Кубок мусобақасининг ушбу босқичидан ўрин олган учта ўйин бугун бўлиб ўтди. Агарда нимчорак финал йўлланмаси қўлга киритилса 1/8 финалда “Навбаҳор” Қўқоннинг “Қўқон-1912”жамоаси рақиб бўлади. Қўқонликлар Тошкентда “НБУ-Осиё” жамоаси меҳмони бўлиб, 3:2 ҳисобидаги ғалабани қўлга киритишди. Эътиборли жиҳати Мурод Исмоилов учрашувда асосан иккинчи таркиб футболчилари хизматидан фойдаланди. Баҳс давомида меҳмонлар 0:2 ҳисобида ортда қолишларига қарамай якунда ғолибликни қўлга киритишди. 1/8 финалда қатнашиш ҳуқуқини қўлга киритган тақдирда 25 март куни “Қўқон-1912” жамоасини қабул қиламиз. Эслатиб ўтамиз, эртага Қувасойда бўлиб ўтадиган учрашув соат 15.30да бошланади.