Биласиз, айни пайтда терма жамоалар ўйинлари сабаб миллий чемпионат ўйинларида бироз муддатга таътил эълон қилинган.
Ҳамюртимиз Лутфулла Тўраев фаолият олиб бораётган Малайзия Суперлигаси иштирокчиси “Фелда Юнайтед” жамоаси мазкур танаффусдан унумли фойдаланиш мақсадида ўртоқлик ўйинлари ўтказмоқда.
Бугун ушбу клуб “УКМ ФК” жамоасига қарши синов-назорат баҳсида майдонга чиқди. Анчагина қизиқарли ўтган матчда тўп киритиш ҳеч бир томонга насиб этмади ва ўйин 0:0 ҳисобида тугади.
Ҳамюртимиз ўйинда илк дақиқаларданоқ майдонга тушди.
“Фелда Юнайтед” энди навбатдаги ўйинини 4 апрель куни “Теренггану” жамоасига қарши Суперлига 6-тури доирасида ўтказади.
