Англия терма жамоасининг собиқ аъзоси, "Манчестер Сити" ва "Сандерленд" жамоаларининг собиқ футболчиси Адам Жонсон вояга етмаган қизга нисбатан жинсий зўравонлик билан муносабатда бўлганликда айбланиб, 6 йилга қамоқ жазосига ҳукм қилинди.
Бундан ташқари, 28 ёшли футболчи суд жараёни учун сарфланган 50 минг фунтни жарима сифатида тўлайди.
Ҳукм эълон қилинган чоғда у ҳеч қандай ҳиссиётларини намойиш этмаган.
Суд ҳаками Жонатан Роузнинг қайд этишича, Жонсон ўз жабрланувчиси ҳали 15 ёшда эканини билатуриб, у билан жинсий алоқага киришган.
Шу йилнинг февралида Жонсон ўзининг вояга етмаган қиз билан ишқий муносабатда бўлгани бўйича айбловнинг 2 бандини тан олганди. Шундан сўнг, унинг фаолиятидаги охирги жамоаси "Сандерленд" у билан шартномани бекор қилди.
Англия миллий терма жамоаси учун 12та ўйинда майдонга тушган бу футболчига 10 йилгача қамоқ жазоси таҳдид солаётганди.
