“Қўқон-1912” жамоасига қарши бўлиб ўтадиган учрашув олдидан жамоамиз ярим ҳимоячиси Алибобо Раҳматуллаевнинг бўлажак ўйин ҳақидаги фикрлари билан қизиқдик: - “Цементчи” жамоаси билан осон бўлмаган ўйинни ўтказиб, навбатдаги босқи йўлланмасини қўлга киритгандик. Бу қўлга киритилган натижа билан тўхтаб қолмоқчи эмасмиз. Негаки, олдинда бизни бунданда қийин бўлган ўйинлар кутмоқда. 25 март куни 1/8 финалда «Қўқон-1912» жамоаси билан баҳс олиб борамиз. Қўқонликлар билан ўтадиган учрашув ҳам «дерби» мақомига эга бўлади. Барчага маълумки, «дерби»ларда шунчаки ўйин бўлмайди. «Қўқон-1912» жамоасига қарши учрашувга тайёргарлик кўриб, ғалабали юришимизни давом эттириб, ишқибозларимизни хурсанд қиламиз деган умиддаман. Қолаверса, чемпионатда ҳам очколар тўплаб, олдимизга қўйилган мақсадни бажариш учун қўлимиздан келганича ҳаракат қиламиз.