Ўзбекистон чемпионати ва Кубоги тақвимида кичик ўзгаришлар юз берди.

ПФЛ расмий сайтининг ёзишича, Ўзбекистон кубоги 1/8 финал ўйинлари доирасидаги “Бунёдкор” – “Обод” баҳси эртага “Бунёдкор” эмас, балки “Обод”нинг уй аренаси саналган – “Жар” ўйингоҳида бўлиб ўтади. Бунга сабаб эса терма жамоамизнинг 29 март куни Баҳрайнга қарши ўтадиган ўйинига қадар майдон ҳолатини яхши ҳолда ушлаб туриш лозимлигидир.

Шунингдек, Олий Лига 5-тур учрашувлари доирасидаги “Бухоро” – “Андижон” жамоалари қарама-қаршилиги аввал режалаштирилганидек 16 апрелда эмас, балки 17 апрель куни ўтказиладиган бўлди. Бунга “Бухоро” ўйингоҳида байрам тантаналари ўтказилиши сабаб бўлди.