«Барселона» ҳимоячиси Жерар Пике «Реал»га нисбатан муносабати борасида яна ўз фикрларини билдириб ўтди.

Каталонияликлар футболчиси "Реал"нинг собиқ дарвозабони Икер Касильясни мухлислар билан суҳбатлашишга мўлжалланган "Periscope"га таклиф қилди. Суҳбат давомида футболчилар бир-бирларига ҳазил қилишди.

«Ўзимнинг "Барса" сафидаги дастлабки мавсумимда Икернинг дарвозасига гол урганимни, якунда биз 6:2 ҳисобида ғалаба қозонганимизни эслайман. "Реал" Чемпионлар лигасида ғалаба қозонганида эса менда ёқимсиз ҳиссиёт пайдо бўлганди. Мен ўйинни Лос-Анжелесда томоша қилгандим ва Рамоснинг голидан кейин телевизорни уриб синдиргандим», – дейди Пике.

Испания терма жамоаси ҳақида гапирар экан, «Барселона» ҳимоячиси қуйидагиларни таъкидлади: «Бошим ва оёғим омон экан, ҳамиша терма жамоада ўйнашни истайман».