Хабарингиз бор, айни дамда дунёнинг барча минтақаларида ЖЧ-2018га саралаш учрашувлари бўлиб ўтмоқда.
Африка қитъасида Нигерия ва Миср терма жамоалари ўртасидаги учрашувда стадионга мухлислар сиғмай кетди. Гап шундаки, Кадунадаги 25 000 мухлисга мўлжалланган ўйингоҳга 40 000 томошабин ташриф буюрган.
Штат губернатори барча чиптани сотиб олган ва футболчиларни қўллаб-қувватлаш мақсадида мухлисларга кириш текин дея элон қилган. Шундан сўнг оломон стадионга киришга ҳаракат қилган. Уларни ҳаттоки, хавфсизлик ходимлари ҳам тўхтата олмаган.
Энди Нигерия футбол федерацияси юқоридаги тартибсизлик учун жарима тортилиши кутилмоқда. Жарима сумма эса ҳозирча ошкор қилинганича йўқ.
Эслатиб ўтамиз, мухлисларнинг шунча қўллаб-қувватлашига қарамасдан ўйин 1:1 ҳисобидаги дуранг билан якун топган.
