Жаҳон Чемпионати-2018 саралаш раунди иккинчи босқич ўйинлари доирасидаги Ўзбекистон – Баҳрайн терма жамоалари қарама-қаршилиги 1:0 ҳисобида якунига етди.
Ўйиндан сўнг футболчилар микст-ҳудудда интернет-порталимиз мухбирларига интервью беришди. Ушбу учрашувда ўзининг фаоллиги билан ажралиб турган ярим ҳимоячи Азиз Ҳайдаров ўйин ҳақида қуйидагиларни таъкидлади.
- Баҳрайн терма жамоасидан муносиб қаршилик кутган эдик, чунки улар Осиё Чемпионатига чиқиш учун курашмоқдалар ва шунга яраша бугун улардан кўпроқ хужумкор ўйинни кутган эдик ва бунга жавобан биз ҳам қарши хужум билан рақибга жавоб қайтаришни режалаштирган эдик.
Бугун биз 1-0 ҳисобида ғалаба қозондик, бу ғалаба билан барча мухлисларни табриклайман. Умид қиламанки, ғалабаларимиз кейинги босқичда ҳам давом этади.
Балки, бугун биз мухлислар кутган ўйинни намойиш эта олмагандирмиз, шаҳсан ўзим ҳам 20 кун ўйин амалиётисиз қолдим, шу сабабдан ўйиннинг сўнгги 20 дақиқасида оёғимда муаммо пайдо бўлди. Шу сабабдан бугун ўз ўйинимни кўрсата олмадим. Шунга қарамай жамоадошларим майдонда менга далда бўлишди, қўллаб қувватлашди. Энди буёғига ҳаммасини унутамиз ва кейинги босқич ўйинларига тайёргарикни бошлаймиз.
Ўйин давомида стадионда Филиппин ҳамда КХДР ўртасидаги учрашуви натижаси эълон қилишди, ҳисобни эшитгач кейинги босқич масаласи аниқ бўлган эди. Баҳрайн билан дурранг ўйнаб уларни ҳам ОЧга олиб чиқишингиз мумкин эди...
Биз бунга умуман эътибор қаратганимиз йўқ. Бизнинг олдимизга қўйилган вазифа ғалаба қозониш эди. Биз буни уддаладик ҳам. Тўғрисини айтсам, бу ўйинда қандай ҳисоб қайд этилишидан қатъий назар кейинги босқичга чиқар эдик, - дейди тажрибали футболчи.
