Бугун оқшомда миллионлар ўйини бўлмиш футбол оламида катта воқеа: Испания Ла Лигаси ва дунёнинг икки гранд жамоаси “Реал Мадрид” ва “Барселона” футбол клублари ўртасида “кураш” – “El Clasico” бўлиб ўтади.

Тиниб тинчимаган футбол мухлислари икки жамоа таркибида ўйнайдиган ўйинчиларнинг трансфер нархларини тузиб чиқдилар. Унга кўра, "қироллик клуби" футболчилари 707 миллион еврога, “кўк анорранглилар” футболчилари эса 693 миллион еврога баҳоланди. Демак, бугунги “El Classico”нинг умумий нархи 1,4 миллиард еврога тенг. Бу ҳақда “Haber7.com” маълум қилди.

Агар ўйинчиларнинг трансфер нархига назар ташлайдиган бўлсак, унда энг қиммат футболчи “Барселона”нинг аргентиналик ҳужумчиси Лионель Месси ҳисобланади. Унинг трансфер нархи 120 миллион евро деб баҳоланмоқда. “Реал”нинг партугалиялик футболчиси Криштиано Рональдо трансфери эса 110 миллион еврога тенг.

Қуйида икки клубнинг энг қиммат 10 нафар футболчиларининг трансфер нархларини эътиборингизга ҳавола этамиз.

1. Лионель Месси – Барселона – 120 млн евро
2. Криштиано Роналдо – Реал Мадрид – 110 млн евро
3. Неймар – Барселона – 101 млн евро
4. Луис Суарез – Барселона – 90 млн евро
5. Гарет Бейл – Реал Мадрид – 80 млн евро
6. Хамес Родригес – Реал Мадрид – 80млн евро
7. Карим Бензема – Реал Мадрид – 60 млн евро
8. Серхио Бускетс – Барселона – 50 млн евро
9. Лука Модрич – Реал Мадрид – 50 млн евро
10. Тони Кроос – Реал Мадрид – 50 млн евро