Англия чемпионатининг 32-тури доирасида "Челси" сафарда "Астон Вилла" меҳмони бўлди ва йирик ҳисобда ғалаба қозонди.

Биринчи бўлим ўрталарида Рубен Лофтус-Чик ҳисобни очган бўлса, жамоалар танаффусга чиқиб кетиш арафасида Алешандро Пато пенальтидан фарқни иккитага оширди. Шу тариқа, Пато "Челси" сафидаги дебют ўйинида гол уришга муваффақ бўлди.

Икинчи бўлимда Педро Родригес "дубл"га эришди ва ўйин тақдирини ҳал қилди. Ушбу ғалабадан "Челси" очколар сонини 44тага етказиб олди. "Астон Вилла" эса амалда Премьер-лигани тарк этадиган бўлди.

АПЛ, 32-ТУР
Астон Вилла – Челси 0:4 (0:2)
Голлар: 0:1 – 26 Лофтус-Чик, 0:2 – 45, пенальти Пато, 0:3 – 46 Педро, 0:4 – 59 Педро.
Астон Вилла – Гьюзан, Ричардс, Сиссоко, Хаттон, Лескотт, Хиль (Грилиш, 66), Гуйе (Лайден, 82), Вествуд, Санчес (Бакуна, 67), Айю, Жестед.
Челси – Куртуа, Иванович, Баба, Аспиликуэта, Мязга, Педро (Кларк-Солтер, 74), Оби Микел, Фабрегас, Лофтус-Чик, Реми (Пато, 23), Кенеди (Оскар, 46).
Огоҳлантиришлар: Гуйе (28), Фабрегас (29), Сиссоко (45), Санчес (61), Хаттон (78), Вествуд (87).
Четлатиш: Хаттон (85).