“Зоб-Оҳан” – “Бунёдкор” учрашуви олдидан ташкил этилган матбуот анжуманининг биринчи қисмида “қалдирғочлар” устози иштирок этди.

Бош мураббий Сергей Лушчанга ҳимоячи Рустамжон Ашурматов хамроҳлик қилди.

- Эронликларга меҳмондўстлик учун раҳмат айтаман. Бевосита ўйинга тўхталадиган бўлсак, мусобақа жадвалидан келиб чиқиб ҳужум қилиш ва ғалаба қозонишимиз шарт. Умид қиламанки, ўз ўйинимизни кўрсатиб “Зоб-Аҳан” ҳимоясини ёриб ўтамиз. Ҳар бир ўйинда 3-4та голли вазият яратаяпмиз. Эртага ҳам шундай бўлишига умид қиламан. Энг асосийси, улардан фойдалана олсак барчаси яхши бўлади. Шунингдек, ҳимоя чизиғимиз хам хушёр ўйин кўрсатиши лозим. Гуруҳда ҳозирча “Зоб-Оҳан” ва “Ан-Насср”нинг имкониятлари яхшироқ. Бироқ эртага қайд этиладиган натижалардан кейн кўп нарса ўзгариб кетиши мумкин. Ғалаба учун курашамиз ва гуруҳдан чиқиш йўлида бор кучимизни ишга соламиз, - дейди Сергей Лушчан.

- Бизни жуда яхши кутиб олишди, барчаси учун раҳмат айтаман. Эртага осон бўлмаган ўйин кутиб турибди. Тошкентда ҳам иккала жамоа яхши ўйин кўрсатган эди. Ҳужум қилишга мажбурмиз. Бундан ташқари ҳимояда ҳам тартибли ўйнашимиз шарт. Айни пайтда мухлисларимиз биздан хафароқ, десам муболаға бўлмайди. Уларни хурсанд қилиш учун ғалаба қозонишимиз керак, - дейди Рустамжон Ашурматов.