“Реал” жамоаси раҳбарияти ва мураббийлар штаби ҳимоячи Серхио Рамоснинг тез-тез четлатилишидан ҳавотирда. Бу ҳақида El Mundo Deportivo хабар бермоқда.
Серхио Рамос “Барселона”га қарши (2:1) Испания чемпионати 31-тур учрашувининг 83 дақиқасида четлатилган эди. Раҳбарият унинг ишини қоралади ва у сардор сифатида қолган футболчиларга ўрнак бўлиши кераклиги айтилди. “Реал” футболчилари ҳам унинг жамоани оғир аҳволда қолдириб кетганидан хафа бўлишди.
Рамос 2005 йилда “Севилья”дан “Реал”га ўтганди. Ўша вақтдан буён ҳимоячи 21 марта қизил карточка олганди.