"Реал" ҳужумчиси Килиан Мбаппе Эндрикнинг "Лион"га ўтиши ҳақида фикр билдирди. Сешанба куни француз клуби 19 ёшли футболчини ижарага олганини расман эълон қилди. Ҳужумчи жорий мавсум якунига қадар "тўқувчилар" сафида тўп тепади.
"Янги вазифангни уддала, биродар. Омад ёр бўлсин," - дея Мбаппе Эндрикнинг "Лион"га ўтиши ҳақидаги эълонига изоҳ қолдирди.
Бразилиялик футболчи жорий мавсумда Хаби Алонсо жамоасининг учта ўйинида иштирок этди, аммо самарали ҳаракатлар кўрсата олмади.













