Каталониянинг "Барселона" клубида ўз ўрнини топа олмаган бразилиялик ҳужумчи Витор Роке фаолиятини Англия Премьер-лигасида давом эттириши мумкин. Бу ҳақда Football Transfers хабар берди.
"Палмейрас"нинг 20 ёшли ҳужумчисини "Манчестер Юнайтед" ва Лондоннинг "Челси" клублари ўз сафига қўшиб олмоқчи. Бу курашда пойтахт клуби фаворит ҳисобланади.
Рокенинг трансфер нархи Transfermarkt таҳлилчилари томонидан 35 миллион еврога баҳоланмоқда. Унинг "Палмейрас" билан меҳнат шартномаси 2029 йил охирида тугайди.
Бразилия - 2025 чемпионатида ҳужумчи 33 та ўйин ўтказиб, 16 та гол урган ва учта голли узатмани амалга оширган.
