"Манчестер Сити" бош мураббийи Хосеп Гвардиола "Борнмут" вингери Антуан Семеньони сотиб олиш ғоясини қўллаб-қувватлади.
"Шаҳарликлар" ганаликнинг трансферига яқин турибди, бу ҳақда сешанба куни маълум бўлди. Инсайдер Фабрицио Романонинг янги маълумотига кўра, муҳокамада Гвардиола фаол иштирок этган. Испаниялик мутахассис дастлаб спорт директори Угу Виана томонидан илгари сурилган 25 ёшли футболчини сотиб олиш ғоясини маъқуллади.
Антуан Семеньо трансфери "Манчестер Сити"га қарийб 75 млн еврога тушади. Келишув 10 январгача амалга оширилиши керак - айнан шу вақтгача ўйинчини кўрсатилган суммага сотиб олиш имконини берувчи товон пули банди амал қилади.
