Осиё Чемпионлар лигасининг гуруҳ босқичи 4-турида Қаршининг “Насаф” жамоаси ўз майдонида Қатарнинг “Ал-Жаиш” клубини қабул қилиб нурсиз дурангга имзо чекди. Биз мазкур баҳсга оид 11 та фактни эътиборингизга ҳавола этамиз. 

 

1. “Насаф” Чемпионлар лигасида (Чемпионлар кубоги инобатга олинмаган)ги 17-учрашувини ўтказди. 
2. Қаршиликлар ана шу ўйинларнинг 3 тасида ғалаба қозониб, 10 тасида имкониятни бой берган. “Аждарлар” 4-марта дуранг натижани қайд этишди. Тўплар нисбати 13:28. 
3. Рўзиқул Бердиев шогирдлари турнирда тўртинчи бор нурсиз дурангга имзо чекишди. 
4. Қаршиликлар мусобақада 8-марта майдонни голсиз тарк этишди. 
5. “Насаф” 17 ўйинда тўрт марта ўз дарвозасидан гол олиб чиқмаган. 
6. “Ал-Жаиш” учинчи бор 0:0 ҳисобидаги дурангга рози бўлди. 
7. Қатар жамоаси олтинчи бор рақиб дарвозасига йўл топа олмади. 
8. “Ал-Жаиш” гол ўтказмаган ўйинлари сони 8 тага етди. 
9. “Насаф” мусобақада ўз майдонидаги 8-учрашувини ўтказди. Жамоа 2 мартадан ғалаба ва дуранг қайд этган бўлса, 4 марта очко ололмаган. Уйдаги тўплар нисбати 6:10. 
10. “Насаф” Қатар клубларидан биринчи марта очко олди. “Аждарлар” Қатар жамоалари билан олдинги 4 та ўйинда ҳам ютқазишган эди. 
11. “Ал-Жаиш” ўзбек жамоаларига қарши 5-марта майдонга тушди ва илк бор марта дуранг ўйнади. 

Фурқат Юсупов тайёрлади